蘋果日報  動新聞
台灣  香港 
State Farm 贊助

醫院小丑分享歡樂
這個聖誕不寂寞

【本報訊】「退休也可以為人帶來歡樂……我哋希望將小丑嘅快樂帶到病人身邊!」每年聖誕這普天同慶的日子,總有不少病人無法回家慶祝,只能在寂寞的病房度過。為了令他們在聖誕節增添色彩,紅鼻子醫院小丑協會一班主要由退休人士組成的小丑,每年都會在醫院粉墨登場,表演趣劇大派禮物,甚至把氣球扭成求婚的鮮花,讓已屆暮年的病婆婆重拾花樣年華的回憶,使病人暫時忘卻身體的不適,與家人齊齊重現歡顏。縱然歲月不留人,但快樂總可留住,開心小丑永不言老、永不言休。

記者:周子惇、張珮琪

有香港「小丑王」美譽、兼是紅鼻子醫院小丑協會創辦人吳浩賓(KenKen)稱,創立協會訓練小丑義工,主因是有感不少病人長期住院,「未必可感受到外面嘅世界,故希望透過小丑把歡樂帶到他們身邊」。談到如何令人快樂,KenKen稱真誠最重要:「我哋成日講小丑點樣令人開心,其實係需要用自己嘅真心做出嚟,嗰個真心唔可以去copy(抄襲)其他人!」這種對「真心」的追求,對於KenKen學生之一「靚靚」來說有切身的體會。

以前在大機構從事培訓管理工作的靚靚,數年前提早退休後希望回饋社會,加入老人義工服務行列。靚靚坦言,從前對於醫院的病友為了看院內表演,竟連沖涼也不願,感到不明所以,但3年前她的哥哥因患癌症,在醫院治療康復後須入住護老院,期間哥哥竟曾試過要求靚靚不要前往探望,理由以免阻礙他觀賞護老院的歌唱表演,令她覺得詫異,也想了解背後的因由。

「有一次我去到醫院欲探病時唔見咗佢,原來平時周圍wet同牛高馬大嘅佢,竟然喺醫院開緊生日會。原來一啲好簡單嘅活動,例如吹蛋糕慶祝、碌個保齡球,已經可以令病人非常開心!阿哥返嚟仲開心話:『我有禮物呀!』其實份禮物好簡單嘅啫,但為佢帶來好大嘅歡樂!」

靚靚此時終於明白病人「喺醫院入面真係好悶」,故外界若肯真心接觸及關心他們,即使很簡單的表演都會令病人好開心,令她決定積極參與小丑表演,與義工們同向病人獻一份真心。

KenKen稱小丑採訪活動全年不絕:「我哋協會每月定期去醫院探訪、表演,聖誕都唔例外,醫院有聖誕party都想我哋用小丑身份參加,帶畀病人歡樂,小丑嘅快樂唔單止感染病人,亦都可幫醫護人員減壓,拉近病人同醫護人員嘅關係!」

踏入12月,KenKen及靚靚與一班小丑馬不停蹄,出席不同醫院的聖誕派對,《蘋果》採訪當日,見到一班小丑們悉心化妝,每人有不同鬼馬造型,但取材都是色彩繽紛,靚靚就以七彩上衣襯上不同圖案、繡了花名「靚靚」的工人褲出場,戴上彩藍色冷帽及聖誕樹造型眼鏡,活力十足,難以想像她卸妝後是一位退休主婦。

派對中由KenKen帶領6名小丑表演雜耍,其間他使出拿手絕技一秒吹漲一個長條氣球,將之扭成一朶花,即場表演向婆婆求婚趣劇,逗得婆婆笑逐顏開。KenKen說每次表演看見病人即時報以燦爛笑容,都是一種鼓勵,當中求婚趣劇更令他印象深刻,「有婆婆感動到喊,跟住我事後問番佢,因為我都驚我係唔係嚇親佢,佢就覺得令佢諗番起舊時結婚,或者有啲(婆婆)甚至乎話未收過花,有我哋送花畀佢好開心,呢啲小小嘅嘢令佢哋有個感動時刻,我覺得係好值得去做」。

KenKen的座右銘是「小丑係唔會輸」,因為從小丑的角度,缺點都可變優點,只要把缺點放大,也可誘觀眾發笑,靚靚做小丑的體會亦近似,便是學懂了親人的表面的缺點,從另一角度看其實亦可以是優點,若肯溝通,磨擦自然減:「我做小丑自己都有得着,因為從中都學咗唔同嘅嘢,例如學懂咗同老人家溝通其實係好㗎,因為我媽媽都80幾歲,之前覺得佢嘮叨,咁煩㗎,但自從多咗同老人家溝通之後,我先發覺老人家其實都幾可愛,之前佢喺美國返嚟都跟我去老人院服務,佢都自得其樂。」

靚靚本身已是退休人士,沒想過做小丑何時才要退休:「趁住自己仲可以行得走得嘅時候,我希望可以做多少少嘢,其實(小丑表演)係雙贏,當中唔好話我畀歡樂人哋,其實有時有啲老人家、其他人都畀咗歡樂我哋 !」


回到最上面