蘋果日報  動新聞
台灣  香港 
State Farm 贊助

【李八方online】老友記做海洋公園導賞員 宣揚保育

大家早排到海洋公園探動物時,見唔見到着咗制服嘅老友記,好落力咁同遊客介紹展館動物嘅特性?原來佢哋都參加咗「黃金導賞員義工計劃」,成為義務導賞員,為環境保育出一分力。計劃已經係第二年舉行,參加者都係退休人士,過去3個月喺公園嘅「海洋奇觀」及「北極之旅」向遊客宣揚動物保育訊息。

叫得導賞員除咗talk得,仲要上堂學唔同動物嘅基本資料,唔少人更加主動做功課豐富內容。好似曾經喺水務署工作嘅Wilson,本身熟悉環境生態、藻類及淡水魚類,但仍然用兩星期溫書搵資料,講解出色到有遊客想畀小費佢。

另一位兩文三語都擅長嘅Irene仲有領隊資格,帶團導賞可以話係手到拿來。睇見老友記個個笑到咁開心,果然係活到老、學到老。


一班退休老友記分享做導賞員嘅經歷。

「黃金導賞員義工計劃」今年係第二年舉行。

回到最上面