蘋果日報  動新聞
台灣  香港 
State Farm 贊助

【珍惜神沙】便利店兼職學生妹出書:一毫子唔係錢呀?

★★★★★★★★★★
果籽今日推介

【毛姨做評判】牛扒七成熟點叫?邊個議員叻過Google Translate?
http://bit.ly/2tNfDPz

【動畫●iPhone十年】人人變低頭族相機食先 WhatsApp害苦打工仔
http://bit.ly/2tdcTxs

【菜市場學】失收加價?牛油果要揀脹身無凹無裂痕
http://bit.ly/2tcNe7P
★★★★★★★★★★

「我要為一毫子平反!」陳婉琪(小草)是HKDI平面設計系的學生,在這個畢業展,她將壓抑已久對一毫子的不平,化成一本書告誡世人。

她之前在便利店做兼職收銀員,商店總愛把貨品定價$9.9、$19.9扮特價傾銷,你畀紙幣,佢找一毫,好抵咁。但那個象徵「好抵」的一毫,卻受盡歧視,一毫找續,周時唔收。她以為聽錯,進擊的叫人收錢,對方倒發脾氣,拿一毫掟她。毫子打到心口彈落地,頃刻間她代入了那一毫子,世界變灰:「那刻覺得,為何這樣對它呢,一毫子都係錢啊!我那刻代入了它的心情,委屈淒涼到想哭,所以選擇做一毫子為它發聲!」為它們製作了歷史小書冊,記錄了一毫子的編年史,原材料、設計、社會地位變化,願大家珍惜這個輕飄飄,卻曾經風光的一毫錢。

聽老一輩講,半個世紀以前,一毫子可以買到好多東西,身份係威係勢。戰前可以睇戲、戰後五十年代,下層電車票價一毫、可以去街角公仔書店租六本漫畫慢慢看,小朋友拿到一毫子心花怒放。據金管局資訊中心資料,開埠初期,一毫子甚至可以買到一百份白粥油炸鬼做早餐,去年還有新聞報道,稀有的錢幣如1980年的一毫子,因為市流量少,今日最高市價達千元,升值萬倍!幾威呀!

21世紀,信用卡、百達通,統統取代了大銀的地位。你有幾多人每日回家放低大銀由佢儲,或者幾耐冇數過兩蚊一毫子給人買東西了?現在用毫子購物都有法例規管(總值不得多於二元);連鎖店愛標價$9.9,目標是找你一毫而不是收你九毫。到銀行找換20元的一毫子,都要收2蚊,即10%手續費,見到俗稱「神沙車」的收銀車,要搬袋神沙去唱錢都嫌重,倒是由得它遺忘在銀包、褲袋、街角甚至垃圾桶底。有時見到它寂寞地躺在街角,都會因為:「唔係幾吉利。」「一毫子都執太樣衰。」「懶得踎低。」而視而不見。八達通、市民、巴士、神沙車集體欺凌久歷風霜的一毫子,公平咩?

「我以前會跌了一兩毫就隨便吧,扮看不見算了,但現在都會撿回,不會隨便丟。」幾個月來,除了去銀行換錢,她把自己遇到的、收到的、撿到的、或者朋友不要的一毫子全儲起來,數埋數埋竟然沉甸甸的儲了百多元。幾斤重揹在身上,抱起來叮叮響,正式積少成多,神沙變金沙。她認為:「其實現在按城市發展,科技發展用八達通都是正常的,這東西的確不方便,但它現在還確實存在嘛,雖然它這麼細,但有好多歷史價值文化價值與情懷,我們不該忽視它。」我們不是要盲目地,留下每一個一毫硬幣嘆世事如棋傷春悲秋,但最少,正視身邊小事的意義,可減少將來揼心口的機會。

記者:陳慧敏
攝影:周芝瑩



2017果籽繼續認真知味。識買惜用。行以求知。好事多為。重修舊好。
緊貼果籽報道,即like:http://fb.me/AS.AppleDaily


陳婉琪(小草)感受過身為一毫子的歧視與悲哀,在畢業展為一毫子發聲。

「神沙」,無存在感的一毫聚沙成塔,執埋執埋有成百銀,點呀?仲敢睇小佢嗎?

1840年一毫子可以買一百個早餐,非常巴閉,到1980年,都可以寄到一份本地郵件,彷彿看到一毫子的人生走下坡。

信用卡、百達通,統統取代了大銀的地位,集體欺凌一毫子。

1980年的一毫子倒不會貶值,還升值一萬倍價值上千元。

HKDI年度設計展Emerging Design Talents 2017,每年都有好多概念有趣的學生作品展出,部份作品將於7月3日至23日,於調景嶺公共圖書館展出。

回到最上面