蘋果日報  動新聞
台灣  香港 
State Farm 贊助

【生完即瘦】坐完月出關 昆凌周董撇仔女蜜遊東京

23歲昆凌上月8號,為老公周杰倫(周董)生咗第二胎,迎嚟細仔小小周,啱啱坐完月出關嘅昆凌,呢兩日就同老公周董,俾網民見到同遊日本。

以往熱愛遊日本嘅周董,周不時俾人發現佢喺東京嘅遊蹤。佢同啱啱生完嘅昆凌,前幾日就俾網民發現同遊日本,網民先喺東京羽田機場見到佢哋,雖然兩公婆黑衫look包到冚,但周董身穿繡著「JAY CHOU」嘅外套,呢下不經意嘅「張揚」,好難唔俾網民發現囉。

呢幾日陸續有粉絲發現佢哋喺東京高島屋出現,兩公婆仲主力逛童裝。喺其中一張相就見到周董同昆凌同樣着住黑色背心、短褲。身材四肢纖瘦嘅昆凌,完全睇唔出啱啱生完,反而隔籬嘅周董,手臂仲睇落有啲啲肉感。


(網上圖片)

上個月8號生完囝囝小小周嘅昆凌,呢幾日就同老公周董同遊佢哋至愛嘅東京。睇相生完嘅昆凌,好似未生過一樣。(網上圖片)

周董件褸後面有大大個JAY CHOU,想唔俾人發現?好難。(網上圖片)

第一胎生囡囡,昆凌都係極速瘦晒。(網上圖片)

(網上圖片)

昆凌臨生前,手腳依然纖瘦。(網上圖片)

回到最上面