蘋果日報  動新聞
台灣  香港 
State Farm 贊助

【未婚夫係行家】又嫁一個 32歲前無綫主播陳珍妮晒鑽戒:開場白1999

喺大台是非梗係多,估唔到就算做新聞部都一樣咁多,不時就有主播之間不和,又或者主播被打壓事件,不過講到最最最大膽嘅應該就係陳珍妮。佢喺08年被挖角加入大台做主播,做咗4年就離開大台,之後喺2015年嘅書展出咗一本名為《TVB新聞部血淚史》嘅書,喺書中大爆當年喺大台做主播嘅辛酸同新聞部嘅陰暗面。

近年陳珍妮主力做下主持工作,最近佢仲去咗歐洲遊學,喺佢Facebook同Instagram都post咗唔少遊學嘅生活逸照,而日前佢仲post咗一張左手中指戴住大大粒鑽石戒指嘅相,仲留言:「點會有人求婚前後瞓覺?!就是他了。落機無耐,攰到喊又送花又飲酒然後醉到瞓著,開場白1999好彩重記得單膝下跪。其他港女拍枱走咗啦,見係你,又響(喺)巴黎,應承你啦。」咦!求婚成功,咁男朋友又係邊位呢?喺感情方面,陳珍妮真係非常之咁低調,喺社交網站從未見到佢post男友嘅相。

據知,陳珍妮同男友其實已經拍咗拖幾年,佢哋都係做傳媒嘅行家。睇番陳珍妮過往嘅情史,睇嚟佢對傳媒人好有緣,有傳當年喺大台陳珍妮曾經同男主播劉顯輝撻着,不過陳珍妮喺05年就話自己係單身,仲想識個風趣幽默兼兼夾識飲識食嘅男友。

《蘋果》昨日就求婚一事聯絡陳珍妮,截稿前未獲回覆。不過佢喺昨日下午仍有update IG仲留言:「酒店其實好細又百冇,但大廳有個小小bibliothèque ,好有書卷氣,一入門口我已經心心眼。」



陳珍妮喺大台做咗4年主播。

喺2012年離職

日前佢喺IG post相自爆男友同佢求婚成功。(陳珍妮IG圖片)

最近佢叫咗歐洲遊學。(陳珍妮IG圖片)

(陳珍妮IG圖片)

(陳珍妮IG圖片)

陳珍妮好勤力,keep住更新社交網,保持人氣,即使就嚟嫁亦決不鬆懈。(陳珍妮IG圖片)

回到最上面