蘋果日報  動新聞
台灣  香港 
State Farm 贊助

【耿耿於懷】11年前遭蔑視職業夢 NFL猛將收老師道歉信

老師們循循善誘教導學生成材,絕對值得大家敬重,但喺平衡夢想同現實之間,一句說話到底係塞錢入你袋抑或潑學生冷水,可能只係一線之差。NFL新英倫愛國者外接手(Wide Receiver)艾迪文(Julian Edelman)過去3年兩度協助球隊捧走超級碗,其中兩場關鍵決賽都成功接球得分,絕對係舉足輕重嘅功臣;31歲嘅佢周二喺社交網站公開一封信件,原來係11年前一位英文大學講師曾經向佢嘅美式足球夢潑冷水,為此耿耿於懷至今,最終喺上月決定寫信向艾迪文道歉。

信中表示:「我不肯定你是否記得我:2006年春季,我是你在San Mateo書院的English 100課堂導師。我一直渴望寫信給你,彷彿有一千年,只想就那個學期的一句輕率評語向你道歉。你也許已經遺忘,但我一直為此感到糟透──你提到『進入美式足球聯盟』,我就回應了一些關於訂立實際目標、只有少數人躋身職業運動員行列的話,諸如此類。我不認為那對你造成困擾,但每次回想都使我感到可怕,這並非因為你證明我是錯的,而是我竟然愚蠢地發表如此無禮的意見,也意味我對你熱衷球賽的態度缺乏尊重。那是學期初段,我們尚未彼此認識,但我怎可能懷疑你的衝勁和勇氣!我懷疑你有否再次想起,但即管如此,我很抱歉當日竟然從口中說出這樣莽撞的言論。」艾迪文喺2009年選秀僅以232順位獲愛國者揀中,如今出人頭地,相信唔會將呢位老師嘅冒失言論放喺心上。


艾迪文喺今年超級碗呢記神奇接球驚為天人,同時成就愛國者上演大逆轉。

艾迪文老師的道歉信。

回到最上面