蘋果日報  動新聞
台灣  香港 
State Farm 贊助

【亞視花旦】四大花旦離晒巢 關詠荷做影帝夫人最幸福

雖然亞視機已熄,不過無可否認,亞視多年嚟真係培育唔少人材,至於當家花旦就梗係唔少得啦!

關詠荷
1988年加入亞視出道嘅關詠荷,喺亞視拍第一套劇就做女主角,一做就做到佢同亞視約滿,而當年佢仲同一樣都係亞視藝員嘅張家輝拍拖,佢哋之後仲先後去咗大台,佢哋仲喺03年結婚,而婚後關詠荷少有拍戲,慢慢淡出幕前做影帝背後嘅女人o添!今年53歲佢仲不時被影到都仲係咁省鏡。

楊恭如
46歲嘅楊恭如喺95年參加亞姐獲得冠軍,當年喺亞視拍劇之餘,仲有機會拍電影,代表作就有《風雲之雄霸天下》、《古惑仔情義篇之洪興十三妹》。近年楊恭如主力喺內地發展。

萬綺雯
喺89年參加亞姐嘅萬綺雯,當年同佢同屆嘅有翁虹、伍詠薇、袁潔儀等,而萬綺雯就勇奪亞軍,之後佢就加盟亞視拍劇。仲拍咗代表作《我和殭屍有個約會》,而佢喺12年轉投大台,喺15年做轉簽部頭合約,一年只係拍一套劇。今年46歲嘅佢同老公陳十三仲不時喺微博晒恩愛。

陳煒
今年43歲煒哥喺96年參選亞姐仲拎埋冠軍入行,卸任後仲即刻被安排拍《雪花神劍》,有咁啱得咁蹺當時煒哥仲係part住楊恭如做女主角。佢喺08年同商人老公顏志行結婚仲決定息影,不過喺2012年復出仲加盟大台。


(資料圖片)

關詠荷(資料圖片)

(資料圖片)

楊恭如(資料圖片)

(資料圖片)

萬綺雯(資料圖片)

(資料圖片)

陳煒(資料圖片)

(資料圖片)

回到最上面