蘋果日報  動新聞
台灣  香港 
State Farm 贊助

【好人好事】野豬疑中暑熱心司機淋水相救:做人應有嘅行動

人與野豬不只發生衝突,亦有互助互愛的時候。旅遊巴司機陳先生昨日下午在西貢區工作,遇上一隻獨行的小野豬,野豬在草地突然倒地。陳先生懷疑野豬中暑,從車廂取水餵豬,又淋水協助降溫,隔一小時後野豬終於清醒可以步行。陳先生指救豬只是盡自己本份,附近的司機亦有協力,「大家唔會覺得奇怪,呢啲係做人應該有嘅行動。」

記者 潘柏林

陳先生接受電話訪問分享救豬經歷,他指昨日下午4時執拾車廂行李櫃,見到一隻小野豬在背後行過,後來發現野豬在草地倒下,「我開頭以為佢咁得意係草地曬太陽,本身我都覺得奇,點解得佢一隻咁細隻嘅野豬,再望真啲佢好似唔舒服喎,喘哂氣閉上眼訓係度。」

陳先生立即上車找水餵野豬,「我一倒啲水佢就係咁飲、係咁飲,我就懷疑佢熱得制中暑。」他先後餵3支水給野豬,又去買麵包嘗試餵食,更撐傘為野豬遮擋陽光。隔一個多小時後野豬重新站立,陳先生就駕車離開,他指附近的司機很關心野豬情況,紛紛找水餵豬。

陳先生指平日住圍村見過不少野豬,但救豬是第一次,「當時見到佢咁情況,梗係盡人事幫吓佢,做到嘅盡量做,餵吓水、淋吓個身、攞把遮遮住太陽之類。」他指人類應該盡量和野豬和平共處,「野豬有時有啲係來勢洶洶,但我覺得呢個地球唔係人類擁有,大家共同擁有,我冇必要破壞佢嘅生活。」不過,救豬事件亦有下文,有網民指野豬事後再一次倒在草地,未知現況如何。


受訪者提供相片

受訪者提供相片

受訪者提供相片

受訪者提供相片

回到最上面