蘋果日報  動新聞
台灣  香港 
State Farm 贊助

【好人好事】冒住十號波 網民捕獲62歲發哥街上幫手執樹枝

十號風球下,唔使返工唔使返學,你會選擇留喺屋企留意風暴消息?抑或約埋幾隻雀友決戰四方城?

今朝颱風「天鴿」襲港,各區錄得嚴重水浸,大樹倒塌報告。強風肆虐下,莫講話身處戶外有危險,即使留喺屋企都唔安全。不過偏偏有人大無畏,喺風雨飄搖嘅時刻,冒住強風大雨,幫手清理路面,移走塌樹,呢個人,就係發哥周潤發。

今日下晝約兩點,有網民喺IG中,就貼上合照,話自己喺十號風球下,喺窩打老道巧遇發哥喺街上幫手鋸樹,網民仲叫發哥小心啲。相中所見,家住窩打老道附近嘅發哥,戴住黑色帽,着住黑色風褸,今次同網民影相,就罕有冇拎電話,反而係由網民拎住電話Selfie。而該網民事後隨即delete合照。

發哥事後回應《蘋果》指自己當時坐車返緊屋企途中。發哥表示:「見到條馬路有冧樹,所以咪落車幫手執走樹枝,等大家可以行到。」發哥指自己剛從加拿大拍完電影《無雙》,現時正留港休息。


(網上圖片)

十號風球高掛下,今日下晝,有網民喺IG貼出同發哥嘅合照。 (網上圖片)

原來屋企喺窩打老道附近嘅發哥,見路上有大樹被強風吹倒,幫手鋸樹。 (網上圖片)

該網民都有留言叫發哥小心。(網上圖片)

留意下,發哥係踢住拖幫手鋸樹o架。(網上圖片)

回到最上面