蘋果日報  動新聞
台灣  香港 
State Farm 贊助

【何里玉】小恩子變身電鋸狂魔 成功幫馬鞍山村鋸樹開路

【新增圖片】

香港經歷颱風山竹肆虐,雖然現在風平浪靜,但多處地方滿目瘡痍,樹木倒塌,交通混亂,有旅遊巴義載市民,原來黎瑞恩(小恩子)都盡一分綿力,買了兩把電鋸到偏遠地區鋸樹,協助恢復道路暢通,小恩子在社交網貼電鋸相並留言:「我要去做德州電鋸狂魔喇!希望每人出分力!香港是我們的家!」網民留言讚:「咁大件事,小恩子妳力氣真大。女強人呀!」

有份去嘅鍾健威在社交網貼相,見到小恩子戴咗頭盔同勞工手套去鋸樹,做足安全措施。小恩子接受《蘋果》電話訪問表示:「我哋去啲偏遠山區,睇吓有冇冧樹,頭先已經喺馬鞍山村成功幫人開咗條村路。」問到點解會去幫忙鋸樹?小恩子坦言:「因為食環署啲清潔阿姐,全部都係阿婆阿伯,你諗下年青人點會掃地,就算有都可能少啲,唔通叫阿婆阿伯托樹咩,啲樹冧晒,惟有我哋自發性去幫助大家,只要每人做少少,好快香港會變番一個好乾淨地方,落街見到成地垃圾,你都唔開心啦!」

原來今朝小恩子睇到有啲人話:「邊係我哋做㗎!食環、警察、消防做嘛!」小恩子都戥三個部門嘅人員辛苦:「佢哋都好慘,人有限,邊度做到咁多嘢!我喺facebook叫大家一齊幫手,為自己住嗰度執少少嘢,但點知佢哋叫我過去幫佢手,哈哈!」小恩子坐言起行,即刻買咗兩把電鋸,問到佢夠力鋸樹?小恩子話:「我都唔知鋸得幾叻,第一次揸鋸,我覺得自己真係好勁,依家條路通番晒,啲人好開心,我仲得到一大袋木瓜做獎品㖭。」

精選娛聞,喺晒《娛果》
http://fb.com/appledailyent


小恩子戴頭盔鋸樹(網上圖片)

小恩子買了兩把電鋸(網上圖片)

條路被塌樹封晒(網上圖片)

出動電鋸(網上圖片)

馬鞍山村條路通番

居民送木瓜答謝小恩子

回到最上面