蘋果日報  動新聞
台灣  香港 
State Farm 贊助

【開篷小知識】五個保養心得 買二手開篷睇啲乜

近日的天氣駕着開篷車四處去,是人生一大享受,不過很多車主聽到開篷車就叫怕怕,更加唔敢買二手開篷車。究竟開篷頂要如何保養才可以減少維修費?或者又是否真的那麼易壞呢?首先講講開篷系統近代的轉變,由手動、半自動變成全自動。Audi HK售後服務總監劉海榮Eddy:「如果談到系統操作,這十年內變化不算太大,唯獨是現今可以行車時開關篷,速度亦越來越高。以Audi S5開篷而言,於最高時速50公里也可開關。以前只能夠時速50公里以下,甚至乎再早期時需要靜止才開關。」Eddy補充製造開篷系統的物料近年變得更輕身及耐用,而且多了感應器去輔助,指定車速開關不會有問題。「不過亦都要確保完全打開或關閉篷頂,才踩油加速,因為風力可能會導致篷架反起,那就需要額外維修成本了。」

搶先睇全新GadgetGuy專頁|fb.com/gadgetguy.appleseed/

用得多又怕它損耗,用得少又怕它的系統不暢順,Eddy認為選購二手開篷車時,可以看車主有否返原廠保養,因為開篷系統都有電腦記錄。「某些部位亦可從表面上觀察得到,如膠邊有沒有凸起或硬化,或者車尾玻璃有沒有離位,而篷布有沒有變色及摺痕。」而原廠維修保養檢查,更會觀察摩打操作是否暢順,紮實篷頂的繩、系統校位及油壓擘等有冇損耗、摺合夠唔夠緊等。唔講唔知,原來系統壞了而需要繄急關篷的話,其實可以臨時手動關閉,不過之後當然要立刻找維修啦。

於保養方面,有幾點提示車主需要注意:
1. 盡快清走篷頂垃圾
如果室外無可避免要泊在樹底下,篷頂上有雀屎又或者樹枝果實等,必須即時清潔,否則時間長了會難清理。
2. 泊位避免左右不平
如果長期泊車位是令車身左右不平衡的話,會導致支架長期不平衡受壓,難免會較易損耗。
3. 篷布濕時避免長摺合
篷布如果太過濕而長時間摺合收藏,對於它的保養會受到影響,一來容易造成摺痕,太濕亦會影響耐用性。
4. 減少尾箱雜物
不要放太多雜物於尾箱,因為有可能阻礙軟篷系統運作,尤其避免一些又尖又硬的物件。
5. 洗布篷勿用硬毛刷。
最後洗車時,應勤力清走膠邊及排水位沙石,避免用強酸或強鹼的清潔劑。如果布面污漬較深,可以用牙刷輕刷表面。洗之前最好用高壓水槍將表面污物一次過先沖走,注意不要用太硬的毛刷擦軟篷,所以建議採用軟熟羊毛手套等工具幫軟篷做清潔。高壓水槍力度太猛的話,就不要太近布篷直射。

採訪:許維雅
攝影:伍慶泉


天氣清涼舒適,是開篷的最佳時機,不過很多車主都怕開篷維修而避買開篷車。

KeePer Pro Shop常務經理陳耀文示範清洗軟篷頂的正確方法。

維修檢查其中一部份是校位運作會否暢順。

開篷系統旁邊的膠邊可以不時用手檢查一下有否硬化。

如果軟篷濕了,就切勿長期收起篷頂。

原廠維修會有電腦跟進開篷系統,亦會用手檢查各部份。

Audi HK售後服務總監劉海榮Eddy解釋一般開篷系統的維修及保養問題。

回到最上面