蘋果日報  動新聞
台灣  香港 
State Farm 贊助

【蘋聞重溫】模型先生 | 28歲老闆唔做銀行轉行開模型舖 老婆阿仔幫手看舖撐:「無轉錯行」

旺角廣華街一間模型舖店名為「模型先生」,但一入舖見到坐鎮收銀的,是「湊住」小朋友的模型太太。店主Kenji一年多前有收入穩定的銀行工不做,轉行開模型舖,仲要仔細老婆嫰,細仔3歲,大女6歲,聽落都覺「牙煙」。不過開業將近2年,兩公婆全職開舖,生意都穩定做得住,靠一間模型舖養妻活兒,老婆Kiko都話:「見到佢開心咗好多,無轉錯行。」

搶先睇全新GadgetGuy專頁|fb.com/gadgetguy.appleseed/

Kenji讀書時期已和模型結緣:「細個舅父好鍾意砌模型,第一盒模型好記得係佢送,1/144雙頭龍高達。」當時網絡資訊不是太發達,靠看模型雜誌學習技術,中學時見到書內有介紹模型比賽,心想自己技術不差或有力一戰,誤打誤撞,做了兼職模型店店員:「拎住個參賽作品去模型舖買盒裝,當時看舖店員就問我有冇興趣教人砌模型。」

當時模型導師原來在香港頗為吃得開,Kenji透露兼職收入不錯,勤力點基本和正職差不多,也因此畢業後第一份工也在朋友開的模型店幫手。不過香港玩具界競爭越來越大,大舖打起減價戰,細舖生存空間縮小,Kenji也在這時經朋友介紹,選擇轉行做銀行:「櫃台、企門口sell客,做過不同工作,收入穩定,在大公司都學到很多有關知識,不過嗰時開始諗,係咪咁就做一世。」Kenji覺得做銀行或者幫人打工,sell客要追數,但努力追數又不代表會加人工,創業不管是賺是蝕,都由自己一力承擔。

剛好目前經營的模型舖正是Kenji以前兼職的舖位,業主和他也相識,業主覺得做生不如做熟,想商場繼續有模型店,就問Kenji有沒有興趣接手。當時考慮時間很短,Kenji和老婆商議接手時,Kiko是大力反對的:「嗰時係日日嘈交,我覺得唔好咁搏啦。」不過Kenji覺得機會難得,又想趁年輕搏一鋪,起碼輸了還可再做回打工仔,但做銀行做多幾年就很可能做足一世。決心一下就馬上接租,由裝修、入貨到開店,基本上一個月時間都沒有,銀行的辭職通知期還未過,要全無模型知識的老婆幫手看店:「間舖租咗唔開都係蝕,老婆決定自己頂住先,有乜唔明就電話教路。」

須知各式各樣的模型,在女人眼中其實都只有高達和渣古之分:「好多名要記,高達都有OO和ZZ,到依家我都分唔到邊隻係沙煞比同新安洲。」如果另一半和自己喜好相同,對沙煞比和新安洲瞭如指掌,自然浪漫;但另一半為了自己的事業和夢想,嘗試去學習自己不感興趣的新知識,當中又是另一種浪漫。相信很多男生都想和Kenji一樣,希望能找到一個分不出、但講得出沙煞比和新安洲的另一半。

目前模型店收入靠賣貨、代客砌模型和開模型班,Kenji指和銀行收入相若,夠一家開支。他覺得玩具店和模型店近年競爭很激烈,大舖客源廣,價錢可做便宜一點,有一定優勢,但細舖憑個性也做得住。說到自己店子的特別之處,可能是超大的陳列櫃:「其他舖頭可能用嚟擺貨,但我會擺自己砌的模型出嚟,有時客人見到都會好奇,都會嚟問教班學砌模型同代工。」老婆坦言看舖頭一個月都十分不滿,但看着Kenji慢慢改變,今天終於也覺得老公沒有轉錯行:「始終都要尊重佢嘅諗法,依家真係開心咗好多,我覺得冇轉錯行。」

記者:司徒港燊



回到最上面